|
TEA
KALLAVELE OSTAD TIATRIST
Konkani palkar poilo tiatr ailea uprant, poilim 10 te
25 vorsam pasun Konknni palkar vaur kel'le kaim ostad
tiatrist aslet. Tanche fottu ani oglli mahiti amche
kodden nam mhunnttoch ami tanche voir ji mahiti
melloilea ti hanga ditaum.
JOHN LAZARO D'SOUZA
John Lazaro D'Souza ganvan Baga, boro boroinnar.
Tannem kaim tiatr boroun palkar dakhoileat, zantle
lovkik mhollear "Romeo ani Juliet" ani "Godd Vikh".
Tacho "Ghod Vikh" tiatr 'satirical' aslo ani to tin
bhagamni aslo khuim, dekhun ho puro tiatr tin dis
dakhouncho poddtalo.
JOAO LUIS CARVALHO
Joao Luis Carvlaho ganvan Britton-cho ani to ek
potrkar vortoulo. Sot Uloi, Goa Times, hea potrancher
to boroitalo. Tech porim to ek pezadik tiatr borovpi vortoulo. To ek vhodd chintpi aslo ani
vhoddlim-vhoddlim totvam to apleam tiatramni maddtalo.
LUIS BORGES
Luis Borges Bardezantlea ganvcho vortoulo. To ek boro kantorist, ekttor ani direkttor. Taka "Darling of the
Stage" mhonnon pachartale. To Inglez-Konkani kantaram kortalo. Tachea kantarancheo HMV komponin rikorddi
kaddleleot. Souza Ferrao, hanchea sangatak to duettam gaitalo.
ROGACINAO D'SOUZA
Rogaciano D'Souza ganvan Sallganvcho (Saligao). To
vortoulo ek famad tiatr borovpi ani ekttor tossoch ek digdorspi. Bombaim to Colaba ravtalo. To Raia
Patxaianche tiatr Konknni palkar dakhoitalo.
ANTHONY TULU
Anthony Too Loo, ganvan Raibondorcho. To ek boro gitam ghoddpi ani gavpi aslo. Gavpak taka lagtolo tea
kallar ekui kantorist naslo mhunttat, zaka
kantoristancho xinv mhunnon pachartale. To ek
fokanner aslo ani tiatramni komik partio kortalo.
Souza Ferrao hachea vangdda to duettam ani trio gaitalo.
TARTAFUL VAZ
Tartaful Vaz ek borovpi ani kolakar, tech porim ek
boro kantorist aslo. To ostorecho tossoch dadleacheo
parti kortalo. Eka tiatrant tannem sou saddio ghaun
Bhangwaddi palkar kantar mhonnlelem khuim, ani kantar
choltanam ek-ek saddi kaddun tiatr-pollennaram mukhar uddoil'leo, teo tumkam mhunnon ani fokot pettikot ani
bluz ghalun bhitor gel'lo, mhunnon pettikot ani bluz
aplea ghovak mhunnon. Tartaful, hachea kuttumbantle
anik zaite vangddi Konknni palkar asle mhunntat.
NICHETAV ALMEIDA
Nichetav Almeida Saxttitcho. To tea kallavelo ek voznadik borovpi ani
ghoddpi. Tache mothvache tiatr he: "Muddkar Jaki", "Kuznant
Mog", "Ixttaghot", "Sukh-Dukh", "Ibaddlolo
Ghorabo", "Soirim-Xezarim", "Dadosponn", "Nirbhag",
"Kitem Hanv Dekhtam" ani "Visvas Fottoina".
KRISHNA LAXMAN MOYO
Krishna Laxman Moyo ganvan Divcholecho. To ek Konknni ani Morathi
kolakar ani gavpi. Goenche suttke adim tannem don tiatr boroilele:
"Kombekar Zanvoim" ani "Don Bhailancho Ghov".
Hindu kolakarank gheun tiatr machier haddpak Laxman poiloch Goenkar
tiatrist.
S.T. MIRANDA
S.T.Miranda ganvan Siollecho. Boro tiatr borovpi ani gavpi. Tacho fank
zoddlolo tiatr zaun as "Karachichi Viaj". Tachim kantaram
HMV-chea rikorddincher asat. "Amchem Noxib" filmant tannem
ek dakhttulo piddevontacho "role" kel'lo.
C. BRAZIL
C.Brazil ganvan Assaganvcho. Tiatr borovpi, partist ani kantaram
ghoddun gavpi. Tacho ek famad tiatr mhollear "Amel Ponnjecarn".
L.C. DIAS
L.C.Dias ek boro partist. Tea kallachea kaim famad direkttoram-chea
tiatramni tannem bhumika keleat. J.P. Souzalin-achea "Asnnorcho
Kistulo", hea tiatrant tannem bes bori part kel'li. Tacho ek
tiatr mhollear "Khuim Asa Tem Sukh?".
JOAO AGUSTIN LOBATO
Joao Agustin Lobato tiatr borovpi ani kantorist. Tannem kaim tiatr
palkar dakhoileat. "Tum Tiatrist?" ho tacho nimnno tiatr
zaun asa. Lobato tiatramni partio-i kortalo.
VICTOR MITTMITTO
Victor Mittmitto ganvan Santo Estanvacho. To vortoulo ek boro gavpi.
Tannem tiatrui palkar dakhoileat. Kantar mhunnttanam palkar to
aple dolle moddttalo dekhun taka Mittmitto mhunnon nanv poddlelem.
JOHNY BATTLU
John Battlu Bardezintlo. To ek boreantlo boro 'commedian' vortoulo.
To kantaram-i gaitalo. Battlu & Jesus, sangatan palkar 'accordian'
gheun kantaram mhunnttale khuim.
RAMA
L.C. D'Braganza, zaka Konknni palkar Rama mhunnon pachartale to ek bhov
purvilo tiatr borovpi. "Maurice ani Juliana vo A Real Love
Marriage" ho tacho ek 1920 vorsant lovkik zal'lo tiatr.
MISS IDA
Jose Mendes, zaka palkar 'Miss Ida' mhunnon pachartale to ganvan Aldon-cho.
To ostoreacho bhumika kortalo. Jose gitam-i gaitalo chodd korun
ostorecho bhes gheun to Thomas Coogan, hachea sangatak duettam gaitalo.
Jose Mendes, hacho ek famad tiatr mhollear "Kombekar".
MISS MAREKIN
Ostorecheo bhumika korpak anik ek huzar kolakar tea
kallavelo mhollear Miss Marekin. Miss Marekin, hannem
Souzalim-achea khup tiatramni vantto ghetla. Minguel
Rod, hachea "Mhozo Nouro" tiatrant tannem ek boreantli
bori vinodi part kel'li mhunntat. Uprant to khup
dusream disgorspeancheam tiatramni nhesla.
MISS JULIE
Joaquim Caetano Coutinho ganvan Saipem-Kandolecho,
zaka palkar parchartalet mhunnon "Miss Julie", to
ostorecheo parti bes borea kortalo. Ostori nhestoch
Miss Julie ek nizachi ostori koxi diso khuim.
Ostorechea svogant to torekvar parti kortalo zaum
mog-kornnaracheo, sunecheo, dukhest toxi ragist. Tea
kallavelea sogott digdorspean-cheam tiatramni to
nhesla, ani to chodd korun Minguel Rod-achem tiatramni
distalo khuim. Peter Gomes, hachea 'Malgoddi Sun' hea
tiatrant part kortanuch 'Miss Julie' boroch duent zalo
khuim, ani tea uprant to palkar dislo nam. Khup kall
adim to sounsar soddun ghelo.
PETER CAMPOS
Konknni palkacho ostad gavpi. Dadar Purtugez
igorjexim ravtalo. Tannem aple vaddient zaite tiatr
dakhoileat.
LUIS ROD
Luis Rod ganvan Kutt'tallecho (Cortalim) zaka Minguel
Rod-an palkar haddlolo. Luis Rod ostori nheson
zaiteam tiatristam vangdda duettam gaitalo ani
ostorecheo parti-i kortalo.
THOMSON JAZWALA
Borovpi tosoch ek kantorist. Tacho ek bhov lovkik
zal'lo tiatr mhollear "Mi to Moroscar". Moroscar-achi
bhas to bori kaddtalo khuim. Tacho anik ek tiatr
'Beleband Cuzner".
S. PERRY
Ganvan Chinchonnecho. Aplea ganvant to dor vorsak
Saibinnichea festak tiatr ditalo. Professional palkar
tannem dakhoilo'lo ek tiar "Dusreponni Kazar".
S.D. PONNAWALA
Boro borovpi ani kunhead Master Vaz-acho. To Poona
ravtalo ani dekhunuch taka Poonawala nanv poddlelem.
Tache zaite tiatr Bombaint hitt zaleat. Poonawala
kantaraim ghoddun gaitalo.
EDWARD ALMEIDA
Ganvan Kellxecho, ani Konknni palkacho boro 'villian'
partist, kantorist ani borovpi vortoulo. Tannem kaim
tiatr palkar dakhoileat, tantle famad mhollear 'Maim',
'Lunddo', ani 'Mogan kelo Nett ani Sasreak Poddlo
Pett".
SALUZINHO D'COSTA
Chinchonnecho ek tarvotti ani hurbevont tiatrist.
Ostorecheo parti tech porim kunnbeacheo parti korpak
to chodd huxear aslo.
VINCENT SEMEDO
Boro kantorist. Bombaint tednam tancho ek
tiaristancho pongodd aslo, zacho Semedo ek mozbhutt
khambo vortoulo.
FRANCIS CARNEIRO (Chicken)
Tea kallavelo anik ek tiatr borovpi ani digdorspi.
Tannem zaiteam kolakarank machier ievpak soeg dil'lo
mhunntat.
C. DIAS
Tiatr borovpi ani digdorspi. Tacho ek famad tiatr
asslo "Koddko Millionar".
AFFONSO PAKO
Tea kallavelo ek famad kantorist. To ganvan Baga,
Bardez-cho.
FRANCIS DE PARRA
Borentlo boro tiatrist ganvan Parra, Bardez. Borovpi,
digdorspi, composer ani kantorist. To ek chodd
apresad kantaram ghoddpi aslo khuim. Tannem zaite
tiatr dakhoileat zantle famad mhollear 'Lag-Moddi-Sun"
ani "Ghorkar".
S.B. RADIO
Ganvan Parra ani dusro bhav Francis de Parra hacho.
To borovpi ani tosoch ek kantorist ani partist.
Kednaim komik partio to kortalo. Tache famad tiatr
zaun asat "Colabailo Nouro", "Motlobi Kuzner", ani
"Kazari Dadlo". Tancho anik ek bhau Peter de Parra
Konknni palkar vaurla. Zaiteam direkktorancheam
tiatranmni to nhesla ani tacho palkar dakhoil'lo ek
tiatr zaun asa 'Jugar'.
MISS ROFIN
Konknni palkar tannem thoddoch kall vaur kelo, punn
aplo ugddas tem palkar dovorun gelem. Miss Rofin
partint borench porzolltalem.
A.D. CANSA
Ho tiatrist ganvan Tivim-cho. Boro ghoddpi ani
kantorist. Palkar ek bhou rupest tiatrist vortoulo.
Kaim kall adim to somplo.
A.R. PAES
Ganvan Salvador do Munddo, bapui Rita Rose, hacho.
Tiatr borovpi tosoch kantorist ani vinodi kolakar.
Tache tiatr 'Sosnikai' & 'Gharachi Chavi". Sumar tin
vorsam fattim to somplo.
EFFIE FERNANDES
Ganvan Kandollecho (Candolim) Aleixinho de Candolim,
hannem taka Bhangwaddi palkar poilo haddlolo.
Tiatrant 'hero' tosoch osterechi-i bhumika kortalo.
Zaiteamm famad direkttorancheam tiatramni tannem bhag
ghetla.
FRANCIS DE MONSO
Tiatr borovpi, kantaram ghoddpi, gavpi ani vinodi
kolakar. Francis de Monso chodd so komik kantaram
gaitalo. Komik part korpant to ekdom natural aslo.
Tannem tiatrui dakhoileat ani tacho ek tiatr zaun asa
'Bebdo Millionar'.
BAB UBALDO
Ek bhurgo kolakar, zannem zaiteam tiatramni parti
keleat ani gitam gaileant.
FRANCIS DE VERNA
Haka poiloch Alfred Rose, hannem aplea tiatrant
haddlolo. Uprant to Kuwait gelo ani Kuwait-ant tiatr
zatat tantun distalo. Sodeak to Kuwait nokri korta.
TONY BENTO
Ganvan Navelcho, gavpi ani partist. Tannem tiatrui
boroileat ani tacho ek tiatr mhollear "Mhozo Pai
Kaido".
PADRI TIATRISTS
Tea kallar tiatr dakhoupi padri mhollear Pri. Napolean
Silveira, Pri. Macario Pereira (Cansaulim), zacho
tiatr "Enddo Bosteaum", Pri. Renato Mendes, ganvan
Kellxecho ani Pri. Gil Gonsalves (Uccassaim), zacho
tiatr "Vichitr Put".
YOUNG MARCELIN
Ganvan Aldona, boro kantorist. Goeanchea 'Young Stars
of Goa' pongddant aslo. Taka dhavo hat nam ani ekach
hatan kuru korun to gitam gaitalo. To azunui jieta.
JOAO INACIO
Ganvan Vasco-cho. Decent gitam gaitalo. Tech porim
tiatr boroun tannem palkar dakhoileat. Zaite pavtti
Inspector-acheo bhumika kortalo.
JOEL D'MELLO
Ek boro gavpi. Tachim gitam rikorddincher asat.
Sumar 20 vorsam adim to somplo.
A.K. D'SOUZA
Tarvotti ani hurbevont tiatrist. To zaite pavtti
tiatr palkar dakhoitalo. To ganvan Vhoddle Goencho
ani bapui Antonette Mendes, hacho. Tache bhou lovkik
zal'le tiatr 'Aum To Tarvotti" ani "Dilolo Jurament".
P.P. CAMORLIM
Ganvan Camurlim, Bardez-cho. Boro gavpi ani rupest
partist. Palkar zaiteam tiatramni disla. Sodeak
harecho atak zaun Bombaim Kurla jieta.
A.C. D'SA
Kid Boxer-achea vangdda duettam gavpak ostoreachea
bhesan palkar distalo. To Bombaim Worli ravtalo ani
azunui jieta.
ALBERT DE BRITTONA
Tiatr borovpi ganvan Brittoncho. "Boimboicar Nouro" ho
ek tacho tiatr. Rico Rod, hachea sangatak tannem
"Kortubancho Sounsar" hem cholchitr kaddlelem. To
kaim kall adim somplo.
SOUZA GUIAO
Boreantlo boro kantorist ani 'yoddler' Dioguinho
D'Mello, hache porim. Nimnno to dislo Fermina hichea
tiatrant "Atam Konn Ghatki?".
TEA KALLAVELE OSTAD TIATRIST
Konkani palkar poilo tiatr ailea uprant, poilim 10 te 25 vorsam pasun
Konknni palkar vaur kel'le kaim ostad tiatrist aslet. Tanche fottu ani
oglli mahiti amche kodden nam mhunnttoch ami tanche voir ji mahiti
melloilea ti hanga ditaum.
JOHN LAZARO D'SOUZA
John Lazaro D'Souza ganvan Baga, boro boroinnar. Tannem kaim tiatr boroun
palkar dakhoileat, zantle lovkik mhollear "Romeo ani Juliet" ani
"Godd Vikh". Tacho "Ghod Vikh" tiatr 'satirical' aslo
ani to tin bhagamni aslo khuim, dekhun ho puro tiatr tin dis dakhouncho
poddtalo.
JOAO LUIS CARVALHO
Joao Luis Carvlaho ganvan Britton-cho ani to ek potrkar vortoulo. Sot
Uloi, Goa Times, hea potrancher to boroitalo. Tech porim to ek pezadik
tiatr borovpi vortoulo. To ek vhodd chintpi aslo ani vhoddlim-vhoddlim
totvam to apleam tiatramni maddtalo.
LUIS BORGES
Luis Borges Bardezantlea ganvcho vortoulo. To ek boro kantorist,
ekttor ani direkttor. Taka "Darling of the Stage" mhonnon
pachartale. To Inglez-Konkani kantaram kortalo. Tachea
kantarancheo HMV komponin rikorddi kaddleleot. Souza Ferrao, hanchea
sangatak to duettam gaitalo.
ROGACINAO D'SOUZA
Rogaciano D'Souza ganvan Sallganvcho (Saligao). To vortoulo ek famad
tiatr borovpi ani ekttor tossoch ek digdorspi. Bombaim to Colaba
ravtalo. To Raia Patxaianche tiatr Konknni palkar dakhoitalo.
ANTHONY TULU
Anthony Too Loo, ganvan Raibondorcho. To ek boro gitam ghoddpi ani
gavpi aslo. Gavpak taka lagtolo tea kallar ekui kantorist naslo
mhunttat, zaka kantoristancho xinv mhunnon pachartale. To ek fokanner
aslo ani tiatramni komik partio kortalo. Souza Ferrao hachea vangdda to
duettam ani trio gaitalo.
TARTAFUL VAZ
Tartaful Vaz ek borovpi ani kolakar, tech porim ek boro kantorist aslo.
To ostorecho tossoch dadleacheo parti kortalo. Eka tiatrant
tannem sou saddio ghaun Bhangwaddi palkar kantar mhonnlelem khuim, ani
kantar choltanam ek-ek saddi kaddun tiatr-pollennaram mukhar uddoil'leo, teo
tumkam mhunnon ani fokot pettikot ani bluz ghalun bhitor gel'lo, mhunnon
pettikot ani bluz aplea ghovak mhunnon. Tartaful, hachea kuttumbantle
anik zaite vangddi Konknni palkar asle mhunntat.
DIAGO CARVALHO
Tiatr borovpi, partist ani gavpi. Minguel Rod-achi nokol martalo khuim.
Tache famad zal'le tiatr mhollear "Joao Poder" ani "Hanv
To Rinnkari".
ALBERT-PEREIRA-POLSON
Hem ek Ahmadabad-chem Konknni palkar velem tikttem. Hem tikttem tea kallar
"Big Three In Ahmedabad" mhunnon vetalem. Pereira, halinchea
kallar pasun Ahmedabad tiatr dakhoitalo.
J.P. NORONHA
Palkar oznadik dukhest kantaram gavpi. Tacho put, Jr. Noronha tech
porim ek suadik gavpi. Sodeak to Muscat asa.
NOLASCO DIAS
Palkar tannem "Ave Mariecho Ghantto" ho sogit tiatr dakhoilolo.
Te xivair to ek gavpi vortoulo ani HMV rikorddincher tachim gitam asat.
To ganvan Kunkollecho.
JOHN F. COSTA BIR
Famad tiatr borovpi adlea kallantlo.
VIRIATO FERNANDES
Ganvan Oddfoddcho (Arpora) borovpi-ghoddpi. Palkar kednaim-kednaim
bailecho parti kortalo. Konknni palkacho okhondd 'prompter'. Palka
fattlem kam polloitalo. Kantaram ghoddun ditalo. 'Amateur'
tiatristam sangatak taitr dakhoitalo. To khup kall adim somplo.
J.M. ALVARES
Ghott kantorist ani tiatr borovpi tea kallacho. To Dhobitalao Metroxim
ravtalo.
ALFRED LOBOTO & SANTAN
Bore kantorist, Goenchean takam Aleixinho de Candolim Bombaimm tiatrant
haddtalo. Alfred Lobato, hachim kantaram rikorddincher asat.
BIG SHOT
Ganvan Anjuna-cho ani Konknni palkar komik kantaram gaitalo. Sodeak to
Taj Hottelant (Goem) Charlie Chalin koso giraikank divirtir korta.
LEPSEIRA (Lawry)
Tiatr borovpi, zannem palkar kaim tiatr dakhoileat. Tacho ek famad tiatr
zaun asa Cuddvalo. To vortouta put J.X.Pereira, hacho. J.X.Pereira
potrancher komik kannio boroitalo.
BAB AYRES
Palkar bhurgeacheo parti kortalo ani gaitalo. 'Khantteantlem Ful' hea
tiatrant tannem ek zobor pezad part kel'li. To zaun asa bhav Platilda,
hacho. Uprant tannem palk soddun dilem. Sodeak to London-ak asa.
MASTER FERNANDES
Sarkem nanv Pascoal Fernandes, ganvan Bannavllecho. Boro komik gavpi. Vakola
ravta ani vevsaien dhorji. Robin Vaz, Master Vaz, hancheam tiatramni disla.
Tacho ek tiatr 'Inas Gaddiecar'.
MOSOULINI MENEZES
Suttke-zhuzari ani borovpi. Tannem boroilele kaim tiatr mhollear:
"Raoji Ranno', 'Padrichem Bondd', ani 'Martyr de Cuncolim".
ZACHARIAS DIAS
Tiatr porovpi tech porim kannio vo lekh borovpi. Tancho ek tiar "Zolmagcho
Dag' C.Alvares, hannem digdorxit kel'lo.
CAJIE
Ganvan Soccorro ani Bombaim Mazagaon ravtalo. Zaiteam famad
tiatristancheam tiatramni nhesla.
A. DE CALANGUTE
Poiloch 'yoddler' kantorist koso J.P. Souzalin-achea tiatrant dislo. Uprant
Ex-Sailor, hachea eka tiatrant to Bhangwaddi poiloch dislo. Tiatrant
nhespachi taka khup humed asli ani dekhun tiatristam fattlean bhovtalo.
Thoddeam tiatramni bhag ghetlea uprant boroch duent zalo, uprant
boro zalo, punn portun palkar dislo nam.
GERMAN PINTO
Tea kallacho ek voznadik borovpi. Tacho ek tiatr 'Lojechem Bogllant'.
SEVERIN DE SIRLIM
Ganvan Sirlim Chinchonnecho, bhav Rico Rod-acho. Tiatr boroitalo ani palkar
dakhoitalo. Tacho ek gazlolo tiatr 'Zotkaxi Dorji'. Halinch to
somplo.
YOUNG INAS
Professional palkar distalo ani parti kortalo. Zaito kall adim tannem
palk soddun dil'lem.
B. ROD
Ganvan Varkeancho. Boro borovpi, ghoddpi ani kantorist. Tacho ek
tiatr mhollear 'Dev Na Bhogos'.
TONY KING
Ganvan Sallganvcho, put Champion Alvares-acho. To poiloch aplea
bapaichea tiatrant ailolo. Parti kortalo ani kantaram gaitalo. Uprant
Gulf-ak gel'lo ani thuimsorui tiatramni nhesla. Joe Rose-James de
Elly-Tony King, hem tanchem tikttem (trio) choltalem. Sodeak to Bombaim
Dhobitalao asa ani kessetincher gitam gaita ani to ek 'drummer' vortouta.
STAR OF CURTORIM
Ganvan Kurtorecho ani boro boroinnar tiatrancho. Tacho ek bhov lovkik zal'lo
tiatr mhollear 'Khantteantlem Ful'.
EMIDIO SAILOR
Ek boreantlo boro gavpi ani partist, Konknni palkacho. Khup kall adim to
somplo.
ANTON FRANCIS ROD
Bhov purvilo borovpi-digdorspi tiatrancho. Tannem zaite tiatr palkar
haddleat, zantun famad tiatristamni bhag ghetla. Kaim kall adim to
somplo.
LUCAS FERNANDES
Ganvan Kolvencho ani 1947-1959 vorsam modhem tannem unne-unne 300 tiatramni
bhag ghetlolo asa. To ostorechea bhesan parti kori ani kantaraim
gaitalo. To zaiteam 'professional' tiatristancheam tiatramni nhesla. Sodeak
to Goeam jieta.
VAZ DE PILERNE
Bhov purvilo tiatrist azunui Parel, Bombaim aplea kuttumba sangatak jieta.
Poiloch to Saib Rocha, hanchea tiatrant bhitor sorlo, ani tea uprant
to zaite tiatr nhesla. Tednache famad digdorspi, J.P. Souzalin,
Anthony D'Sa, Kid Boxer, A.M.B. Rose, adi, hanchea tiatramni Vaz nhesla.
Te xivai tannem aple tiatra palkar dakhoileat zantle famad zaun asat:
"Minguelachem Kortub", "Dhuvek Zai Nouro",
"Romeo-Juliet", ani "Mogachi Tiksann'.
LUIS FROIS
Tea kallacho tiatr borinnar ani gavpi. Tacho ek tiatr zaun asa
"Noxibachi Sort'.
PETER V. FERNANDES
Bhurgeach piraier to palkar vaurla, ani tiatrant film podotin dekhave
dakhounk vaurla. To ek boro gaupi. Tache tiatr zaun asat: "7vo
Sakrament' ani 'Bebddo'. Uprant to palkar dislonam, punn aplim gitam
cassettincher gaitalo, ani tacheo khup cassetti bhair sorleat. Sodeak
to Malad, Bombaim ravta. To mull ganvan Arambollacho.
DIANA FERNANDES
Saipem, Candolim ganvchem. Poilench tem Minguel Rod-achea 'Open to
Close' tiatrant palkar choddlem. Dukhest toxe komik 'role' tem kortalem.
Uprant tem non-stop show-amni ailem, ani azunui tem palkar dista.
CHICO D'COSTA
Boreantlo boro gavpi suaddik talleacho. Tachim khup kantaram
akaxvannicher ietalim. To aplim duettam aple bhoinni Othelia sangatak
gaitalo. To bhov thoddo kall palkar disla. To ganvan Mapxencho
ani sodeak thuim jieta.
LIBAN & GLERMIN
Tim dogaim Master Vaz-achea tiatrant poilinch palkar ailelim. Dogaim
partistam ani gavpinnim. Minguel Rod somplea uprant, Liban, hinnem
tacho fottu hatant gheun, xrodanjalichem git gailelem.
CLARA FERNANDES
Aldlea kallar zaiteam tiatramni distalem ani jinsavar 'role' tem palkar
kortalem. Tem ganvan Oll'lechem. Uprant tem khell-tiatramni nhessunk
laglem ani atam Roseferns-acheam 'Non-Stop Show'-amni vantto gheta.
ANITA DE GOA
Parti korpant ani gavpant tem Goenchea palkar borench porzolltalem. Komik
ani kunnbeachim gitam tem for't gaitalem. Sodeak tem atam palkar
disonam.
C.S. BORGES
Punneantlo oznadik tiatr borovpi. Tacho ek famad tiatr 'Natalanchi
Bhett'. Te xivai to ek potrkar vortoulo, ani Punneant tiatr dahovpak
tannem khup teag kela. Sumar 3 vorsam fattim to Punneant somplo.
PATRICK FIREMAN
Tachem sarkem nanv mellonam, punn taka Patrick Fireman nhunnon palkar
pachartale. Boreantlo boro kantorist vortoulo.
DAVID SOLOMON
Sarkea nanvachi khobor nam. Boro gavpi ani partist vortoulo.
ANTHONY FERNANDES
Humedicho tiatr-borovpi ani kanataram ghoddpi vortoulo, punn palkar
porzollonk taka soeg mevlo nam. Tacho ek taitr 'Noxib
Strikevalleanchem'. Uprant to palkar 'prompting' korunk laglo ani
azunui korta.
PREMANAND SANGODKAR
Ek bhou natural partist. Zaiteam tiatramni tannem oxnadik parti
keleat. To chodd porzoll'lo M.Boyer-achea "Ekuch Rosto"
tiatrant. Azunui to palkachi seva korta.
ULHAS BUYAO
Boro borovpi, ghoddpi ani partist. Tachem ek bhou famad kantar
mhollear 'Chann'neache Ratri'. Konknni palkar 'professional'
tiatristank gheun tannem kaim tiatr dakhoileat.
TIATR BOROVPI
Anik kaim tea kallavele tiatr borovpi: Max Pereira, Jackdom-tiatr
dakhoittalo ani ostorechi partui kortalo. George de Agacaim, Fancis
Rod - borovpi ani partist, Tom John Dias (Churchurean-chem Kazar), Jerry
John Claro (Bhavachi Bhirmot), Xavier Rod (Bhikarancho Put), Joao Agostinho
Lobato, J.P. Parra - borovpi ani kantorist. Thomas de Candolim, Peter
de Sta. Cruz (Vid Minguel Rod-achem), Frank de Sta. Cruz, Vincent de Nagoa.
KANTORIST ANI PARTIST
Ligorio D'Mello, Leo D'Mello, boro ghoddpi ani partistui, zaka Bandodkar
mhunnon pachartale, karanntannem Bandodkar-achi part kel'li dekhun. Girgor,
Emidio Gonsalves, L.P. Monteiro, L.C. Fernandes, J.R. Siolim, Dominic de
Tiracol, bore ghoddpi ani gavpi, Gregford, Many Dias, Helena Vaz borim
partistam ani gavpi. Rita - Mungllurchem, borem gavpi ani partist.
'Amchem Noxib' filmant C.Alvares-a vangdda mukhi part tannem kel'li
ani 'Goencho Mando' hem git gailelem.
Questions or Comments?
Please write to us at:
Special
Thanks for the arrangements: Gaspar Almeida
with Fausto V. Da Costa. {Amchea kerit dhinvas Gaspar
Almeida ani Fausto V. Da Costa-k) - Goa-World Team
(Kuwait).
|
|
|
